lipu sona

jan Majeka li seme?

mi meli li lon ma Netelan li tan ma Mewika

tenpo seme la sina open kama sona e toki pona?
kin la tan seme?

tenpo lape seli pi sike nanpa AMMTW la mi open kama sona. mi pini sona e tan lon.
taso, mi jo ala e musi lon tenpo lape suli ni, la ken suli la ona li tan ni.
kin la, open pi sike nanpa AMMT la mi sona e ni: toki pona li lon, tan jan Misali

seme a la sina kepeken e sitelen Þþ lon toki Inli?

tan ni: ona li musi li pona tawa mi.
sina sona ala e sitelen ni la, kalama sitelen li sama sitelen "th" pi toki Inli, kin la nimi sitelen li sitelen "Þorn"

lipu ni li seme

ni li lipu mi a!

seme la mi ken lukin e ijo sina pi sitelen Onkesele?

sina ken sona e ni lon lipu ni a

sina seme? seme li pona tawa sina?

mi pali e ijo pi toki pona, ni li ken sitelen li ken len sitelen li ken lipu li ken kalama anu ijo sama a! taso, nanpa wan la mi ante e toki ijo.
toki pona ala la, mi sitelen, li musi. musi Deltarune en musi Celeste en sitelen pi jan DougDoug en sitelen Ongezellig li pona tawa mi,
namako li lon taso ni li wile e tenpo suli e nimi mute

sina kepeken e nimi seme pi pu ala?

nimi pi pu ala la mi kepeken
e nimi "tonsi"
e nimi "kijetesantakalu"
e nimi "n"
e nimi "isipin"
nimi "leko"
e nimi "owe" lon musi.
...e nimi "ku" a?? mi pilin ala e ni: mi kepeken e ona, taso, sina lukin e sitelen mi la mi kepeken e ona lon tenpo mute a tawa nimi "lipu pi sona nimi"?

nimi "apeja" en nimi "unu" en nimi "omekapo" li pona pi mute nasa a tawa mi, mi wile kepeken e ona lon tenpo.
taso, mi sona ala e ni:
mi wile toki e ni: mi kepeken e ona li kepeken e ona lon lon.

nimi "tuli" en nimi "jule" li pona lili tawa mi.

mi ken toki pona e ale pi nimi "apeja" kepeken ala nimi ni, taso ona li awen pona tawa mi
nimi "omekapo" en nimi "unu" li sama a, taso pona pi nimi tu ni li tan suwi li tan musi.
nimi "jule" li musi tawa mi.
kin la ona li ken pana e sona pi nimi "meso" e sona pona pi ijo ante kin, la ona li pona ale tawa nimi meso (nimi "meso" li ike namako a tawa mi)